அவர் தான் மனிதர்-
லெனின் நினைவு நூற்றாண்டு வெளியீடாக காலம் பதிப்பகத்தில் வந்திருக்கும் எனது பேராசான் மு.பழனி இராகுலதாசன் அவர்களின் மிகச் சிறிய புத்தகம் இது.
இச்சிறுநூல் லெனின் என்னும் சாதாரண மனிதரை நமக்கு மிக அழகாக, அருமையாக அறிமுகம் செய்கிறது.
மேலும் அப்படிப்பட்ட மனிதன் உண்டா? உண்டென அறிமுகப்படுத்துகிறார் அன்பு நண்பர் முனைவர் மு.பழனி இராகுலதான் என்று சொல்லியிருக்கிறார்.
36 பக்கங்களைக் கொண்ட இச்சிறுநூலில் சின்னச் சின்ன செய்திகளாக எட்டுக் குறிப்புகள் இருக்கின்றன.
முதல் குறிப்பில் இருக்கும் ரால்ப் ஃபாக்ஸ் எழுதிய லெனின் வரலாற்று நூலில் உள்ள 'லெனின் ஒரு மனிதரைப் போன்ற மனிதர்; அவரது அனைத்துப் பண்புகளையும் குணாம்சங்களையும் அறிந்து கொள்ள அதுவே போதும், அதுவே சாலும்' என்ற வரிகள் லெனின் என்ற மனிதர் யார் என்பதைச் சொல்லி விடுகிறது.
நாட்டு மக்களுக்கு என்ன உணவு கிடைத்ததோ அதைத்தான் தானும் தன் குடும்பமும் சாப்பிட வேண்டும். மக்களுக்கு எந்த அளவு ரேசன் அனுமதிக்கப்படுகிறதோ அதே அளவுதான் தன் குடும்பத்துக்கும் அனுமதிக்க வேண்டும் என்பதில் உறுதியாய் இருந்திருக்கிறார்.
தன்னைச் சுற்றி இருப்பவர்கள் உரையாடும் போது அவர்கள் எப்படிப் பேசுவார்கள், எதை நோக்கிப் பேசுவார்கள் என்பதை லெனின் மிக விரைவாக எளிதாகப் புரிந்து கொள்ளும் ஆற்றல் பெற்றவராக இருந்திருக்கிறார்.
கடித எழுதுதல் என்பதை லெனின் ஒரு கடைமையாகவே மேற்கொண்டிருக்கிறார்.
தன்னைப் பற்றி யாராவது புகழ்ந்து பேச ஆரம்பித்தால் அதைச் சகித்துக் கொள்ளமாட்டார்.
தன்னைச் சந்திக்க வருபவர்கள் தன்னிடம் நேரம் தெரிவித்து, உறுதிப்படுத்திக் கொண்டு வரவேண்டும் என்பதில் எத்தனை கறாராக இருப்பாரோ அதேபோல் அவர்களுக்கு சொன்ன நேரத்தில் அதற்கு முன் வந்தவருடனான உரையாயல் முடியாதபட்சத்தில் தனது செயலாளர் மூலம் தங்களைக் காத்திருக்க வைத்ததற்கு மன்னியுங்கள் எனக் கேட்டுக் கொள்வார்.
பேராசான் மு.பழனி இராகுலதாசனின் தேடலே இது போன்ற புத்தகங்களைக் கொண்டு வர முக்கியக் காரணமாகும்.
இந்நூலை அவர் திரு. இரா. நல்லகண்ணு அவர்களுக்குச் சமர்ப்பணம் செய்துள்ளார்.
மிகச் சிறப்பான புத்தகம்.
-பரிவை சே.குமார்.
2 எண்ணங்கள்:
அருமையான மனிதரை பற்றி எழுதிய புத்தக விமர்சனம் அருமை
சிறந்த மனிதருக்கு சமரப்பணம் செய்து இருக்கிறார்
நல்லதொரு அறிமுகம்....
கருத்துரையிடுக